ԹԵՄ /

ԹԵՄԻ ԱՌԱՋՆՈՐԴ

ԳԵՐԱՇՆՈՐՀ
ՏԵՐ ՄՈՎՍԵՍ ԵՊԻՍԿՈՊՈՍ ՄՈՎՍԵՍՅԱՆ
ՀԱՐԱՎԱՅԻՆ ՌՈՒՍԱՍՏԱՆԻ ՀԱՅՈՑ ԹԵՄԻ ԱՌԱՋՆՈՐԴ

Տեր Մովսես Եպիսկոպոս Մովսեսյանը (ավազանի անունը՝ Կամո) ծնվել է 1964թ. սեպտեմբերի 13-ին, Աբովյանի շրջանի՝ ներկայիս Կոտայքի մարզի Գողթ գյուղում։
1981թ ավարտել է հայրենի գյուղի միջնակարգ դպրոցը:
1982թ ընդունվել է Մայր Աթոռ Սուրբ Էջմիածնի Հոգևոր Ճեմարանը, որն ավարտել է 1989թ.:
1983-1985թթ ծառայել է Խորհրդային բանակում:
1989թ մայիս ամսին ձեռնադրվել է սարկավագ: Նույն թվականին Վազգեն Ա. Ամենայն Հայոց Կաթողիկոսի օրհնությամբ մեկնել է Զագորսկ (Սերգիև Պոսադ), ուսումը շարունակել Ռուս Ուղղափառ Եկեղեցու Մոսկվայի Հոգևոր Ակադեմիայի ասպիրանտուրայում, որտեղ էլ ստացել է Աստվածաբանության Թեկնածուի աստիճան:
1991թ ձեռամբ Տեր Ներսես Արքեպիսկոպոս Պոզապալյանի, ձեռնադրվել է կուսակրոն քահանա:
Վազգեն Ա. Ամենայն Հայոց Կաթողիկոսի օրհնությամբ նշանակվել է Մոսկվայի հայ համայնքի Հոգևոր Հովիվ:
1996թ Տեր Գարեգին Ա. Ամենայն Հայոց Կաթողիկոսի ձեռքից ստացել է Վարդապետական Գավազան:
1998թ նշանակվել է Սուրբ Հռիփսիմե Վանքի վանահայր:
2000թ․ Տեր Գարեգին Բ. Ամենայն Հայոց Կաթողիկոսի օրհնությամբ նշանակվել է Հարավային Ռուսաստանի Հայոց Թեմի Առաջնորդ:
2001թ սեպտեմբերի 30-ին ձեռամբ Տեր Գարեգին Բ. Ամենայն Հայոց Կաթողիկոսի, ձեռնադրվել է Եպիսկոպոս:

2019թփետրվարի 26-ին` Սուրբ Ղևոնդյանց քահանաների տոնին, ձեռամբ Տեր Գարեգին Բ. Ամենայն Հայոց Կաթողիկոսի, արժանացել է արքության պատվի` ի գնահատություն Հայոց Եկեղեցու անդաստանում տարիների վաստակի և նվիրյալ ծառայության: Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մովսես Սրբազանին հանձնեց Արքության Պատվի Հայրապետական Սրբատառ Կոնդակը նույն թվականի մարտի 18-ին Մայր Աթոռ Սուրբ Էջմիածնում, ապա Վեհափառ Հայրապետը նրան ընծայաբերեց նաև Եպիսկոպոսական Պանակե:

Հոգևոր գրական գործեր՝
  • Մայր Աթոռ Սուրբ Էջմիածնի Հոգևոր Ճեմարանի ավարտաճառն եղել է «Ակների դպրոցը» թեմայով
  • «Հովնան Օձնեցու քրիստոսաբանությունը» վերնագրով պաշտպանել է Վարդապետական թեզը
  • Մոսկվայի Հոգևոր Ակադեմիայում պաշտպանել է «Հայաստանի թեմերը Ռուսաստանում» Աստվածաբանական թեկնածուական թեզը: