Նորություններ

2020-01-15 | ՄԿՐՏՈՒԹՅՈՒՆ ԵՎ ԴՐՈՇՄ ԹԵՄԱՅՈՎ ԲԱՑ ԴԱՍ ԹԵՄԱԿԱՆ «ՎԱՐԴԱՆՅԱՆ» ԿՐԹԱՄՇԱԿՈՒԹԱՅԻՆ ԿԵՆՏՐՈՆՈՒՄ

Սույն թվականի դեկտեմբերի 8-ին «Վարդանյան» կրթամշակութային կենտրոնի «Արմատ» դահլիճում տեղի ունեցավ «Մկրտություն և Դրոշմ» թեմայով բաց դաս, որին մասնակցեցին Սուրբ Հովհաննես Ավետարանիչ Առաջնորդանիստ եկեղեցու հոգևոր հովիվ Տեր Հարություն ավագ քահանա Բայադյանը, Տեր Գևորգ քահանա Միրզոյանը, Արմատ դպրոցի սաները: Բաց դասը վարում էր Հայոց եկեղեցու պատմության ուսուցչուհի Գոհար Մխիթարյանը: Բաց դասի ընթացքում հնչած մի շարք հարցերին պատասխանեցին սաները, դահլիճում գտնվողները, ապա արժանապատիվ քահանա հայրերը ավելի հանգամանալից բացատրեցին մկրտության և դրոշմի խորհուրդը: Սաներն ասմունքեցին «Լուսավորչի կանթեղը», Թումանյանի քառյակները, դասի ընթացքում արժևորվեցին հույս, հավատ, սեր առաքինությունները, որոնք մարդը խնդրում է Աստծուց մկրտության ժամանակ: Բաց դասի նպատակն էր աշակերտների հոգում և սրտում դրոշմել կարևորագույն հատկանիշները, որոնք Հայոց եկեղեցու արժեքային համակարգի սրբություններն են՝ հայրենիք, հավատք և լեզու:

Բաց դասից հետո կենտրոնի սաներն ու ծնողները Սուրբ Հովհաննես Ավետարանիչ եկեղեցում ներկա եղան երեք սաների սուրբ մկրտությանը: