Սուրբ Հովհաննես Ավետարանիչ Առաջնորդանիստ Եկեղեցի

Նորություններ

2021-04-24 | ՀԱՅՈՑ ՑԵՂԱՍՊԱՆՈՒԹՅԱՆ ՍՈՒՐԲ ՆԱՀԱՏԱԿՆԵՐԻ ՈԳԵԿՈՉՄԱՆ ԱՐԱՐՈՂՈՒԹՅՈՒՆՆԵՐԸ ԿՐԱՍՆՈԴԱՐԻ ՍՈՒՐԲ ՀՈՎՀԱՆՆԵՍ ԱՎԵՏԱՐԱՆԻՉ ԵԿԵՂԵՑՈՒՄ

Այս տարի լրացավ Հայոց ցեղասպանության 106-րդ տարելիցը:Ապրիլի 24-ին Հարավային Ռուսաստանի Հայոց թեմի բոլոր եկեղեցիներում մատուցվեց Սուրբ Պատարագ, որից հետո կատարվեց Ցեղասպանության Սուրբ նահատակների բարեխոսության կարգ:Հնթացս Սուրբ և Անմահ Պատարագի ընթերցվեց Ամենայն Հայոց Կաթողիկոսի ուղերձը Հայոց ցեղ ..
Կարդալ ավելին
2021-04-04 | Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՊԱՏԳԱՄԸ ՄԵՐ ՏԵՐ ՀԻՍՈՒՍ ՔՐԻՍՏՈՍԻ ՀՐԱՇԱՓԱՌ ՀԱՐՈՒԹՅԱՆ ՏՈՆԻ ԱՌԻԹՈՎ

Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՊԱՏԳԱՄԸՄԵՐ ՏԵՐ ՀԻՍՈՒՍ ՔՐԻՍՏՈՍԻ ՀՐԱՇԱՓԱՌ ՀԱՐՈՒԹՅԱՆ ՏՈՆԻ ԱՌԻԹՈՎ(Երևան, Սուրբ Գրիգոր Լուսավորիչ Մայր եկեղեցի, 4 ապրիլի, 2021 թ.)Յանուն Հօր եւ Որդւոյ եւ Հոգւոյն Սրբոյ. ամէն:«Քրիստոս յարեաւ ի մեռելոց»(Շարական Հարության)Սիրելի բարեպաշտ հավատացյալներ,Այսօր Ս ..
Կարդալ ավելին
2021-04-04 | ՍՈՒՐԲ ՀԱՐՈՒԹՅԱՆ ՏՈՆ

Հիսուս Քրիստոսի հրաշափառ Հարության տոնը կոչվում է նաև Զատիկ, որը նշանակում է զատում, բաժանում, հեռացում մեղքերից և վերադարձ առ Աստված: Զատիկը Հայ Առաքելական Սուրբ Եկեղեցու 5 տաղավար տոներից մեկն է: Հիսուս Քրիստոսի խաչելությունից և մահից հետո` երեկոյան, բարեպաշտ մարդիկ Նրա մարմինը իջեցրին խաչից և ..
Կարդալ ավելին
2021-03-28 | ԾԱՂԿԱԶԱՐԴ. ՀԻՍՈՒՍԻ ՀԱՂԹԱԿԱՆ ՄՈՒՏՔԸ ԵՐՈՒՍԱՂԵՄ

Հայ Եկեղեցին Սուրբ Հարության տոնին նախորդող կիրակի նշում է Ծաղկազարդը, որը Քրիստոսի հաղթական մուտքն է Երուսաղեմ: Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի բարձր տնօրինությամբ Ծաղկազարդը հռչակվել է մանուկների օրհնության օր, քանի որ Տիրոջ՝ Երուսաղեմի տաճար մտնելու ժամանակ մանուկներն աղաղակում ..
Կարդալ ավելին
2021-03-19 | ԻԳՈՐԾ 2021

իԳործ ծրագիրը հնարավորություն է տալիս սփյուռքի մասնագետներին աշխատել Հայաստանի կառավարությունում։ՀՀ սփյուռքի գործերի գլխավոր հանձնակատարի գրասենյակը մեկնարկում է «իԳործ» 2021 ծրագիրը, որը հրավիրում է սփյուռքահայ մասնագետներին ծառայելու Հայաստանի կառավարությունում, մեկ տարի ժամկետով:Դիմումի և հարցա ..
Կարդալ ավելին

Տերունական Աղոթք

Հայր մեր որ յերկինս ես,
սուրբ եղիցի անուն քո.
Եկեսցէ արքայութիւն քո.
եղիցին կամք քո.
որպէս յերկինս` եւ յերկրի.
Զհաց մեր հանապազորդ
տուր մեզ այսօր.
Եւ թող մեզ զպարտիս մեր
որպէս եւ մեք թողումք
մերոց պարտապանաց.
Եւ մի տանիր զմեզ ի փորձութիւն,
այլ փրկեա զմեզ ի չարէն:
Զի քո է արքայութիւն
եւ զօրութիւն եւ փառք
յաւիտեանս.
Ամէն

ՍՈՒՐԲ ՊԱՏԱՐԱԳ
ԺԱՄԵՐԳՈՒԹՅՈՒՆ
ՅՈԹ ԽՈՐՀՈՒՐԴՆԵՐ
ՊԱՀՔ
ԱՂՈԹԱԳԻՐՔ
ՏԱՍԸ ՊԱՏՎԻՐԱՆՆԵՐ

ՍՈՒՐԲ ՊԱՏԱՐԱԳ


«Երկինքը երկրի վրա». այսպես է հասկացվել Սուրբ Պատարագը վաղնջական օրերին, այսպես են քրիստոնյաներն ըմբռնում Սուրբ Պատարագի խորհուրդը: Պատարագով ողջ եկեղեցին այնտեղ գտնվող հավատացյալների հետ միասին դառնում է երկինք երկրի վրա և դրախտ՝ կենաց ծառի անմահարար պտուղներով: Ըստ Սուրբ Հովհան Ոսկեբերան հայրապետի՝ Սուրբ Պատարագի ժամանակ երկինքը բացվում է և հրեշտակներն իջնում են: Թեպետ Պատարագը երկրի վրա է կատարվում, սակայն երկրային ընծայով չէ, այլ երկնքից իջնող Հացով (Հովհաննես 6:41), Ով կյանք է տալիս աշխարհին:


ԺԱՄԵՐԳՈՒԹՅՈՒՆ


Եկեղեցական ժամակարգությունը` քրիստոնյաների ամենօրյա ընդհանրական պաշտամունքն է: Այն բաժանված է օրվա որոշակի աղոթաժամերի, որոնցից յուրաքանչյուրն ունի իր բարեպաշտական և աստվածաբանական իմաստավորումը: Հայ Եկեղեցու ներկայիս Ժամագիրքը կազմված է հետևյալ 9 ժամերգություններից՝

1. Գիշերային.
2. Առավոտյան.
3. Արևագալի.
4. Ճաշու ժամի՝
* Երրորդ ժամի (ժամը 9).
* Վեցերորդ ժամի կամ Միջօրեի (ժամը 12).
* Իններորդ ժամի (ժամը 15).
5. Երեկոյան.
6. Խաղաղական.
7. Հանգստյան:

Հնում բոլոր ժամերգությունները կատարվել են համապատասխան ժամերի՝ հատկապես վանքերում: Հետագայում դրանք սկսեցին կատարվել միասին. Գիշերային, Առավոտյան և Արևագալի ժամերգությունները՝ առավոտյան, Ճաշու երեք ժամերգությունները՝ ցերեկը, իսկ Երեկոյան, Խաղաղական և Հանգստյան ժամերգությունները՝ երեկոյան: Ներկայումս կատարվում են միայն Գիշերային, Առավոտյան և Երեկոյան ժամերգությունները. առաջին երկուսը՝ առավոտյան, իսկ վերջինը՝ երեկոյան: Մեծ պահքի շրջանում, բացի շաբաթ և կիրակի օրերից, մասամբ վերականգնվում է օրվա մեջ երեք անգամ միացյալ ժամերգություններ կատարելու կարգը:
Ըստ Սիմեոն Ա Երևանցի կաթողիկոսի «Տոնացույց»-ի (հրատ. 1774 թ.), որն արտացոլում է ուշ միջնադարից մինչև անցյալ դարասկիզբ Հայ Եկեղեցում գործող աստվածպաշտության ավանդությունը՝ մշտապես կատարվում են օրվա բոլոր ժամերգությունները, բացի տերունի օրերից, որոնցում ընդհատվում են Արևագալի և Խաղաղական ժամերը, և շաբաթ օրերից ու տերունական տոների նախօրեներից, որոնցում զեղչվում է Խաղաղական ժամը:
Մեծ տոներին ավելացող այլ արարողությունների հետ միասին որոշ ժամերգություններ յուրօրինակ փոփոխության են ենթարկվում` երբեմն կազմելով ընդհանուր հանդիսակարգի միայն մի մասը, ինչպես Ճաշու ժամերը` Ավագ հինգշաբթի և Ավագ ուրբաթ, և Երեկոյան ժամը` Ավագ ուրբաթ և տաղավար տոներին, երբեմն ճոխացվելով հավելյալ երգերով, ինչպես Երեկոյան ժամը` Ծաղկազարդին, երբեմն էլ իսպառ զեղչվելով, ինչպես Երեկոյան ժամը` Ավագ շաբաթ օրը: Նմանատիպ օրերի ժամակարգությունը ներկայացված է սովորական օրերից որոշակիորեն տարբերվող ցանկով:
Արևագալի երգերն ու հորդորակները, ինչպես նաև Խաղաղականի «Նայեաց սիրով» երգը կատարվում են միայն Մեծ պահքի օրերին, ինչը հրահանգված չէ Ժամագրքում:
Սիմեոնյան «Տոնացույց»-ում Մեծ պահքի առանձնահատկություններից է նաև այն, որ Երեկոյան ժամերգությունը, բացի շաբաթ և կիրակի օրերից և Տեառնընդառաջին նախորդող փետրվարի 13-ից, կատարվում է Ճաշու ժամերից անմիջապես հետո, իսկ Ճաշու մեսեդին և ընթերցվածքները տեղափոխվում են Երեկոյան ժամերգություն: Այս կարգը կատարվում է նաև այսօր, և այդ առիթով արարողության ժամանակ «երեկոյ» բառը փոխարինում են «միջօրէ» բառով: Սակայն «Տոնացույց»-ը նման որևէ նշում չի պարունակում, քանի որ ժամերգության ողջ բովանդակությունը սերտորեն կապված է երեկոյի խորհրդի հետ:
Ներկայումս Ավագ հինգշաբթի գիշերը սկսվող հսկման կարգը, որ կոչվում է Խավարում՝ համաձայն «Տոնացույց»-ի, ընդգրկում է Ավագ ուրբաթի ցանկով ներկայացված Գիշերային և Առավոտյան ժամերը:
Բացի Արևագալի, Խաղաղական և Հանգստյան ժամերից, ժամերգության որոշակի հատվածներ մշտապես փոփոխվում են ըստ յուրաքանչյուր օրվա խորհրդի և ձայնեղանակի: Նույն սկզբունքով է կատարվում նաև մյուս ծիսական գրքերից` «Ավետարան»-ից, «Ճաշոց»-ից ու «Շարակնոց»-ից քաղվող տեքստերի ընտրությունը:
Օրվա ժամակարգության մաս է կազմում Սուրբ Պատարագի արարողությունը, որը կարող է տեղի ունենալ ամեն օր (բացի Մեծ պահքի սովորական օրերից), և որի առկայության դեպքում Ճաշու Իններորդ ժամը եզրափակող մասը` ժամամուտից մինչև Հավատամք, զետեղվում է պատարագի սկզբնամասում:


ՅՈԹ ԽՈՐՀՈՒՐԴՆԵՐ


ՊԱՀՔ


ԱՂՈԹԱԳԻՐՔ


ՏԱՍԸ ՊԱՏՎԻՐԱՆՆԵՐ


Ահա պատվիրանները, որոնք ՏերԱստված տվեց ժողովրդին իր ընտրյալի՝ Մովսես մարգարեի միջոցով, Սինա լեռան վրա՝

1. «Ես եմ քո Տեր Աստվածը, ինձանից բացի այլ աստվածներ չպիտի լինեն քեզ համար:»
2. «Վերևում՝ երկնքում, ներքևում՝ երկրի վրա, և երկրի խորքի ջրերի մեջ եղած որևէ բանի նմանությամբ քեզ կուռքեր չպիտի կերտես:»
3. «Քո Տեր Աստծո անունը զուր տեղը չպիտի արտասանես:»
4. «Հիշիր շաբաթ օրը, որպեսզի սուրբ պահես այն:»
5. «Պատվիր քո հորն ու մորը:»
6. «Մի սպանիր:»
7. «Մի շնանար:»
8. «Մի գողանար:»
9. «Քո հարևանի դեմ սուտ վկայություն մի տուր:»
10. «Ոչ քո մերձավորի տան, ոչ նրա ագարակի վրա աչք մի ունեցիր:»


Օրացույց

« »
Երկ Երք Չրք Հնգ Ուրբ Շբթ Կիր

Նախագծեր

ՍՈՒՐԲ ՄԱՐԻԱՄ ԱՍՏՎԱԾԱԾԻՆ ՏԱՃԱՐ

Քաղաք Կրասնոդարում կառուցվում է Սուրբ Մարիամ Աստվա ..


Կարդալ ավելին